Flavius Josephus, Antiquities of the Jews (XML Header) [genre: prose] [word count] [lemma count] [Joseph. AJ]. | ||
<<Joseph. AJ 6.17 | Joseph. AJ 6.21 (English) | >>Joseph. AJ 6.24 |
6.19
ἄνδρες , γὰρ εἶπεν , οἷς ἔτι νῦν βαρεῖς μὲν πολέμιοι Παλαιστῖνοι , θεὸς δʼ εὐμενὴς ἄρχεται γίνεσθαι καὶ φίλος , οὐκ ἐπιθυμεῖν ἐλευθερίας δεῖ μόνον , ἀλλὰ καὶ ποιεῖν διʼ ὧν ἂν ἔλθοι πρὸς ὑμᾶς , οὐδὲ βούλεσθαι μὲν ἀπηλλάχθαι δεσποτῶν ἐπιμένειν δὲ πράττοντας ἐξ ὧν οὗτοι διαμενοῦσιν ·
6.21ἀλλὰ γίνεσθε δίκαιοι , καὶ τὴν πονηρίαν ἐκβαλόντες τῶν ψυχῶν καὶ θεραπεύσαντες αὐτὴν ὅλαις ταῖς διανοίαις προστρέπεσθε τὸ θεῖον καὶ τιμῶντες διατελεῖτε · ταῦτα γὰρ ὑμῖν ποιοῦσιν ἥξει τὰ ἀγαθά , δουλείας ἀπαλλαγὴ καὶ νίκη πολεμίων , ἃ λαβεῖν οὔθʼ ὅπλοις οὔτε σωμάτων ἀλκαῖς οὔτε πλήθει συμμάχων δυνατόν ἐστιν · οὐ γὰρ τούτοις ὁ θεὸς ὑπισχνεῖται παρέξειν αὐτά , τῷ δʼ ἀγαθοὺς εἶναι καὶ δικαίους · ἐγγυητὴς δὲ αὐτοῦ τῶν ὑποσχέσεων ἐγὼ γίνομαι .”
6.22 ταῦτʼ εἰπόντος ἐπευφήμησε τὸ πλῆθος ἡσθὲν τῇ παραινέσει καὶ κατένευσεν αὑτὸ παρέξειν κεχαρισμένον τῷ θεῷ . συνάγει δʼ αὐτοὺς ὁ Σαμουῆλος εἴς τινα πόλιν λεγομένην Μασφάτην · κατοπτευόμενον τοῦτο σημαίνει κατὰ τὴν τῶν Ἑβραίων γλῶτταν · ἐντεῦθεν ὑδρευσάμενοί τε σπένδουσι τῷ θεῷ καὶ διανηστεύσαντες ὅλην τὴν ἡμέραν ἐπʼ εὐχὰς τρέπονται .
Flavius Josephus, Antiquities of the Jews (XML Header) [genre: prose] [word count] [lemma count] [Joseph. AJ]. | ||
<<Joseph. AJ 6.17 | Joseph. AJ 6.21 (English) | >>Joseph. AJ 6.24 |